Идеата за формирање на Хуманитарно и добротворно здружение на
Ромите “КХАМ”-Делчево (во понатамошниот текст ХДЗР “КХАМ”), како
невладина, неполитичка и непрофитна организација, е зачната пред
повеќе од шест години. Нашето здружение егзистира под името
“КХАМ” од 20. 03. 1999 год. Уште на почетокот имавме јасна
визија за тоа, што всушност ќе биде целта на организацијата.
Денес имаме добра стратегија и успешен тим. Во собранието на
здружението членуваат 20 активни членови (вклучувајќи го тука и
женскиот сектор) и околу150 членови од различна
националност
(Роми, Македонци) заклучно со ограноците во општините (Кочани,
Виница, Пехчево, с. Црник и Берово). Зад нас стојат 40 проекти
од кои сите се успешно реализирани, а дел (7) се во тек и
нивната реализација се движи во позитивна насока. Проектите се
насочени главно кон интегрирање на ромската популација во сите
сфери на општественото
живеење.
Во изминатиот период се истакнавме како организација која се
залага за развој на граѓанското општество и демократија , дадено
е посебен допринос околу образованието
на ромската популација, развој и соработката помеѓу НВОи и
Локалната самоуправа.
За што поуспешно реализирање на своите програмски и проектни
активности и подобро делување во заедницата, членовите на
ХДЗР”КХАМ”, редовно се едуцираат преку семинари и обуки, а
знаењата и искуствата добиени од истите се користат во
активности што се корисни за заедницата.
Центарот на вниманието на нашата работа во 2004 / 2005год. се
фокусира на образованието, човекови права и работа со
маргинализирани групи инфраструктурни потреби, превенција и
здравствена едукација. Воедно работевме и на развојот на
соработката помеѓу нашата НВО и граѓаните од една страна и НВО
со локалната самоуправа од друга страна.
Благодарност упатуваме до организациите и фондациите заслужни за
нашиот развој: МЦМ, ФИООМ, УСАИД, ИТЗ, УНДП, ЦИРа, ХОПЕ,
Американска амбасада, Светска банка.
Годишниот извештај се однесува за нашата работа во изминатата
2004 / 2005 година, со краток осврт и на досегашното работење на
нашата организација. Воедно е и лична карта на ХДЗР “КХАМ “.
-Зекир Абдулов
